Охридската рок група „THE BACKDOOR BAND“, денеска, ќе го промовира видео записот за нивниот прв сингл со наслов “На задна врата”.
Промоцијата ќе се одржи вво „LIQUID CAFÉ“ со почеток 21:00ч.
„THE BACKDOOR BAND“ е формиран пред повеќе од 2 години. Во бендот членуваат:Жарко Јакимоски – вокал, Лазе Фармакоски – гитара, Александар Марковиќ – бас гитара, Никола Колјушевски – тапани.
Групата неодамна апочна со снимање на авторска музика, а за нивниот прв сингл со наслов “На задна врата” пред неколку дена е снимен и официјален видео спот. Музиката е на Жарко Јакимоски и Лазе Фармакоски, текстот на Жарко Јакимоски, а аранжманот на „THE BACKDOOR BAND“.
Видео записот е снимен во дискотеката „Парк“ во Охрид, во продукција на Даниел Јовески – Sustain Entertainment, а
по сценарио на „THE BACKDOOR BAND“. Главниот женски лик во спотот го толкува Хелена Роза, а главниот машки лик Петар Џепароски.
