Центарот за култура Григор Прличев Охрид во соработка со КИЦ на Македонија во Софија , денеска во главниот град на Бугарија, ќе организираат промоција на охридските автори, писатели, од времето на Прличев па се до современиот миг.
Проектот се реализира со поддршка на минисрерството за култура. Претставување на македонското богато творештво од охридскиот крај ќе имаат писателите Смиле Наумовси и Тоде Илиевски. Како роднокрајни писатели, нивното творештво ќе биде промовирано од директорот на Центарот за култура, Драгана Боцеска.
Ова е прва соработка на Центарот за култура од Охрид со КИЦ на Македонија во Софија, Бугарија. Овој проект ги презентира македонските литературни вредности, а посебно оние од охридскиот крај, надвор од границите на Македонија.
Ohridnews
