Во петок на 10-ти јуни со почеток во 12 часот во просториите на Охридската Библиотека „Григор Прличев“ ќе бидат промовирани изданија од едицијата „Врвови на светската филозофија, историја и психологија со психоанализа“.
Промотор ќе биде проф. д-р Виолета Ачкоска, а пред присутните ќе се обрати и директорот на Библиотеката Александра Белевска.
Со оваа промоција Библиотеката започнува да го реализира проектот за „Промоција на изданија кои со одлука на Владата на РМ и се доделени на Библиотеката и се наменети за продажба“. Проектот е поддржан од Министерството за култура.
Во следниот период Библиотеката ќе ги промовира и другите едиции, чии дела ги продава по поволна цена на читателската публика. Во иднина ќе бидат промовирани и дела од капиталните едиции „Ѕвезди на светската книжевност“ , дел од едицијата „Македонски искушенија“ како и изданија од едициите „130 тома македонска книжевност“ и „130 тома македонска книжевност на англиски јазик“.
OhridNews
