Променливо облачно со сончеви периоди и со слаб до умерен ветер од јужен правец. Претпладне по одделни котлини ќе има појава на магла, а попладне во западните делови врнежи од дожд во пониските места и снег на планините. Во текот на ноќта врнежите ќе се прошират во поголем дел од земјата и во западните делови ќе бидат пообилни (20 л/м2). Со засилен северен ветер врнежите ќе преминуваат во снег на повисоките и во некои од пониските места. Минималната температура ќе биде во интервал од -6 до 1, а максималната ќе достигне од 4 до 13 степени.
Во Охрид променливо облачно со услови за дожд. Минималната температура ќе се спушти до 0, а максималната ќе достигне 8 степени.
Под влијание на влажен бран попладне во западните делови ќе има врнежи од дожд во пониските места и снег на планините. Во текот на ноќта и утре претпладне врнежите ќе се прошират во поголем дел од земјата и наместа ќе бидат пообилни (20 л/м2). Поради спуштање на постудена воздушна маса со засилен северен ветер врнежите ќе преминуваат во снег на повисоките и на некои од пониските места. На планините снежната покривка ќе се зголеми, а помала снежна покривка ќе се формира и на некои од повисоките места. Потоа во следните денови времето ќе биде стабилно со појава на магла по котлините.
OhridNews
