На пригодна свеченост што ќе се одржи денеска во 17 часот во Големата сала на општината, Град Охрид ќе ги прогласи најдобрите во спортот во 2021 година.
Настанот директно ќе биде пренесуван на нашиот портал, како и на фан страната на OhridNews на Фејсбук.
Ќе бидат доделени признанија за најдобар спортист, најдобри надежи, клубови… Годинава ќе биде доделена и награда за животно дело, како и специјално признание за спортски подвиг.
На свеченоста премиерно ќе биде прикажан дел од документарниот филм во продукција на OhridNews „100 години фудбал во Охрид“, посветен на најзначајните моменти во историјата на фудбалот во нашиот град. Целиот филм пошироката јавност ќе може да го види во среда, 2.2.22 во 2.22 часот попладне.
Г.М.
