Проекција на филмот „Евгенија Гранде“ во среда пред охридската публика

Проекција на филмот „Евгенија Гранде“ на режисерот Марк Диген (2020) со Жосефина Жапи и Оливје Гурме во среда во 21 часот во Центар за култура „Григор Прличев“ – Охрид.

Феликс Гранде е господар на скромна куќа во Самир, во која живее со неговата жена и со ќерката Евгенија. Тие водат вообичаен и мирен живот. Неверојатната скржавост го спречува да ги согледа одличните прилики што и’ се укажуваат на ќерката за венчавка. Никој не смее да се доближи до неговото огромно богатство скриено од сите. Ненадејното пристигнување на внукот, сирак и пропаднат париски кицош, целосно го менува текот на животот на младата девојка. Љубовта и благородноста на Евгенија кон братучедот ќе предизвика неизмерно незадоволство кај таткото. Во заладени односи со ќерка си, тој е подготвен повеќе од кога било да жртвува сè за своето богатство, дури и сопственото семејство…

Во критиките за филмот наведено е дека станува збор за „Филм за еманципацијата на една млада жена, која е доста умешна и не е толку повлечена како што се чини“, „Марк Диген додава одличен зачин на Балзаковската основа и тоа на префинет начин, со грижа за деталите и преку одличната изведба на извонредното актерското трио“,  „Една извонредна филмска фотографија, која остава впечаток на амбиент на фламандско сликарско платно, помеѓу златесто топли нијанси и темни бои на простории кои изгледаат дека се лошо затоплени и со минималистичко уредување“.

Филмот е со превод на македонски јазик, а влезот е слободен.

OhridNews