Во Основниот суд во Охрид денеска треба да продолжи судскиот процес против Лазо Радески кој се товари за тројно убиство. Тој е обвинет за убиство на Трајче Цоцески, извршено на 20 април оваа година, на Спиро Ставрески кој беше убиен на 8 февруари минатата година и на Раим Ракип кој исчезна во 2006 година, сите улични продавачи на девизи од Охрид.
На почетокот од судењето, Радески во својот исказ го призна убиството над Цоцески, но негираше дека ги убил другите двајца дилери на девизи. Во улога на сведоци во судскиот процес се појавија блиските на убиените, кои зборуваа за деловните односи на жртвите со обвинетиот кој се товари дека делата ги извршил од користољубие.
Судскиот процес против Лазо Радески, го води судијката Милка Танеска.
Ohridnews
