Младински Совет Охрид, организира Форум за млади за општина Струга.
На форумот се очекува да земат учество триесетина претставници на различни институции од областа на образованието, здравството, социјалата, вработувањето, верски заедници, политички подмладоци и здруженија на граѓани, како и претставници на Локалната самоуправа на општина Струга. Учесниците на форумот во престојните два работни дена, ќе треба врз основа на Националната младинска стратегија, да ги одредат целите и да ги дефинираат активностите на локалната младинска политика за општина Струга.
На форумот му претходеше анкетирање на младите во Струга, а резултатите од истразувањето ќе бидат основа за реализација на форумските активности. Форумот на млади се реализира како дел од проектот за донесување Локални младински акциони планови за Охрид и Струга, кој го реализира Младински Совет, а финансиски е поддржан од “The Balkan Trust for Democracy”.
