Најголемиот бел тартуф на светот е продаден на аукција во Њујорк за повеќе од 61 илјада долари, соопштила аукциската куќа Сотби која ја организирала продажбата. Најголемиот тартуф на светот е тежок 1,89 килограми. Во соопштението на аукциската куќа било наведено дека овој тартуф, најголем досега откриен, е продаден на љубител на храна и вино со потекло од Тајван.
Тартуфот минатата седмица го пронашла компанијата „Сабатино тартуфи“ во централниот дел на Италија. Семејството Балестра, сопственик на компанијата, која е еден од водечките снабдевачи со овој производ во светот, планира парите добиени од продажбата на овој тартуф да ги додели на хуманитарни организации. Тартуфите се најценети и најскапоцени печурки за јадење на светот.
