МЈП-Проаква Р.Е.Водовод Охрид во врска со реакцијата на граѓани а која се однесува за проблемот со водоснабдувањето во стариот дел од градот, се огласи со соопштение во кое се наведува дека системите за водоснабдување во целиот град работат со полн капацитет и врши редовно, континуирано и квалитетно снабдување со вода за пиење и тоа во текот на целата година.
„Досега граѓаните не почувствувале што значи недостиг на вода подолг период заради технички пречки или со воведување рестрикции. Истото се однесува и во летниот период и за стариот дел од градот, каде има редовно водоснабдување и покрај зголемената фреквенција на луѓе и кога со издавањето на соби и апартмани се зголемува потрошувачката на вода.
Исто така се јавува преоптовареност на водоводната мрежа поради нерационално и ненаменско користење на водата преку неодговорно залевање на тревниците и градините.
Што се однесува до реакцијата упатена од граѓанин кон работата на службите на Проаква информираме дека екипите на Р.Е.Водовод-Охрид професионално и во најбрз можен рок ги извршуваат своите секојдневни задачи за нормално и редовно водоснабдување, а за потребите на граѓаните на располагање стои 24 часа дежурна екипа која е подготвена да одговори на секој настанат дефект брзо и ефикасно. Доколку заради интервенција на водоводната мрежа потребно е прекин на водата граѓаните навремено се известуваат преку средставата за јавно информирање“, се вели во соопшетнието за секторот за односи со јавност при МЈП „Проаква“.
