Петтата средба на Асоцијацијата на приватни новински агенции (АПНА) започнува денеска во Охрид.
Членки на АПНА се 17 приватни новински агенции од Австрија, Словачка, Словенија, Хрватска, Унгарија, Романија, Србија, Босна и Херцеговина, Црна Гора, Косово, Албанија, Македонија, Бугарија, Грција и Ерменија.
На свеченото отворање на средбата ќе учествуваат дипломати, стопанственици, претставници на медиуми.
Членовите на АПНА, сопственици, директори и главни уредници на приватните новински агенции во работниот дел на средбата ќе разговараат за продлабочување на меѓусебната соработка и за некои проблеми со кои се соочуваат приватните агенции.
Седиштето на АПНА е во Скопје, а претседавач е Независната новинска агенција Макфакс.
ohridnews
