Поради  основано сомнение дека е можен сторител на кривичните дела „Тешки дела против безбедноста на луѓето и имотот во сообраќајот“  и „Неукажување помош на лице повредено во сообраќајна незгода“  Секторот за внатрешни работи Охрид, поднесе кривична пријава  против лицето И.Г.(39) од Охрид. Од страна на Истражен Судија на пријавениот му е одредена мерка притвор во траење од 30 дена.

Како што соопшти СВР Охрид, пријавениот, на ден  01.02.2010 година ,  управувајки го своето патничко моторно возило марка „Даеву-Матиз“ со охридски регистарски таблици, од небрежност, предизвикал  сообракајна незгода  во која едно лице го загуби животот.

Тешката сообраќајна незгода се случи во 06 часот и 20 минути  на раскрсницата од  улиците  „7 Ноември“ и  „Егејска“,  по што сега притворениот го напуштил местото на несреќата,  неукажувајки помош на  пешакот Блага М. родена 1953 година од Охрид, која  во моментот го преминувала коловозот.


Возилото на пријавениот било ронајдено во автосервис каде боло оставено за поправање, по што набрзо е пронајден сопственикот

Ohridnews
Извор: МВР