00
Поради големиот интерес за кампањата за склучување на спогодби за плаќање на тужените долгови, EVN Македонија го продолжи работното време на приемните канцеларии за корисници (front office).
– Со цел да им излезе во пресрет на своите корисници, во месец декември приемните канцеларии на EVN Македонија ќе работат и во сабота. Работното време во сите Кориснички Енерго Центри (КЕЦ) е од 7:30 часот до 15:30 часот. Потрошувачите ќе може да склучуваат сподгодби за плаќање на тужените долгови на рати без камата до 31 декември, до кога и трае кампањата на EVN Македонија и ЕЛЕМ. Државните Електрани на Македонија (ЕЛЕМ) учествуваат во оваа кампања затоа што и тие побаруваат дел од средства од граѓаните кои имаат тужени сметки за електрична енергија пред поделбата на старото ЕСМ на повеќе компании. Во интерес на граѓаните EVN Македонија и ЕЛЕМ се откажаа од каматата за задоцнето плаќање која во многу случаи е и неколкукратно повисока од долгот за потрошена електрична енергија. -информираат од EVN.
Домаќинствата тужениот долг во висина до 5 000 денари може да го платаТ во една рата, а сукцесивното зголемување на висината долгот, го зголемува и бројот на ратите. На дванаесет рати се отплаќа долгот поголем од 50 000 денари. Правните лица, пак тужениот долг може да го платат на шест рати во зависност од висината на долгот.
Спогодбите за плаќање на тужените долгови домаќинствата и правните лица ги склучуваат само во приемните канцеларии на сите Кориснички Енерго Центри (КЕЦ) на ЕВН Македонија.-се вели во соопштението на EVN Македонија.
