На 17 август со почеток во 16 часот во просториите на Општинскиот фудбалски сојуз Охрид кои се наоѓаат на СРЦ „Билјанини Извори“ ќе се изврши пријавување и ждрепка за новата сезона во Општинската фудбалска лига.
ОФС Охрид ги повикува клубовите Велмеј, Св. Петар, Злести, Славеј, Воска 2002, Воска Спорт, Лакочереј Спорт, Горно Лакочереј, Вапила, Рудар, Вулкан и останатите клубови кои заинтересирани да учествуваат а имаат решение од централен регистар и решение од агенција за млади и спорт.
Шампионот од ОФЛ обезбедува пласман во Третата македонска фудбалска лига југо-запад и учество во Купот на Македонија следната сезона.
OhridNews
