Клифтон Виал (52) заглавил со автомобил во снежен одрон за време на една снежна бура, на 60 километри од најблиското населено место Нома на Алјаска. Кога се обидел да ја отвори вратата сватил дека се наоѓа длабоко под снегот, а мобилниот, се разбира, му бил без сигнал. Откако успеал да ја совлада првобитната паника, почнал да пребарува по автомобилот и да бара храна и вода, а единственото нешто што го пронашол биле речиси заледени лименки пиво, вреќа за спиење и кебе, со кое ги заштитил нозете од студот.
Изјавил дека се преплашил кога се сетил дека неговото семејство отпатувало и дека никој нема да го забележи неговото исчезнување. Сепак, неговите работодавачи, откако не се појавил на работа, ги алармирале спасувачките служби, кои го пронашле после три дена потрага. Тој им објаснил дека преживеал така што јадел и пиел само ладно пиво.
