Еден жител на Владивосток, на рускиот далечен исток, преживеал пад од 20 кат на една стамбена зграда, соопштила полицијата. Човекот бил спасен од кровот на еден автомобил кој му го ублажил падот. Човекот се навалил на прозорецот да запали цигаре, но паднал.
Полицискиот портпарол рекол дека преживеал само поради автомобилот кој му го ублажил падот. Било доцна навечер, а се активирал алармот на автомобилот, па за среќа се разбудил сопственикот и повикал полиција и брза помош. Човекот бил префрлен во болница каде се наоѓал на интензивна нега.
