Во рамки на одбележувањето на Светскиот ден на првата помош, утре, на градскиот плоштад, со почеток во 11 часот, тимот на Суперкиди- Охрид ќе врши презентација на новата програма за учење и развој на животни вештини, која во текот на овој месец ќе започне со реализација во Центарот за развивање на вештини Суперкиди, во просториите на општинскиот Црвен крст.
Проектот, општинскиот Црвен крст ќе го реализира во со „Суперкиди“ од Дубаи, Обединети Арапски Емирати и Браинобраин детската академија од Индија.
За потсетување, станува збор за едукативна програма во која деца на возраст од 5-14 години ќе можат да ги стекнуваат, развиваат и потврдуваат своите способности: фотографска меморија, концентрација, способност за слушање и учење, креативност и имагинација, самодоверба, визуелизација, решавање на проблеми.
Ohridnews
