Презентација на туристичкиот потенцијал на Македонија на Саемот за туризам и патувања во Тирана, Албанија. Саемот нуди можност за регионална туристичка и бизнис поврзаност на земјите од Западен Балкан, кој претставува брзорастечки туристички центар за светските патувачи, велат од Агенцијата за промоција и поддршка на туризмот.
Одлично место за промоција и зголемена видливост на дестинациите, кои нудат уникатни идеи за патување. На одржаните состаноци и средбите со туристичкиот сектор на Албанија и регионот, Агенцијата за туризам има можност да формира нови партнерства, да се продлабочи соработката со веќе постоечките, и да се дознае за иновациите, технологиите и стратегиите што го обликуваат туризмот во 2025 година, потенцираат.
Фокусот на овогодинешниот “Tourism & Travel Show Albania 2025”, посочуваат, е на одржливи социо- економски и еколошки напредок.
Како што расте побарувачката за еколошки и културно одговорни патувања, Западен Балкан е уникатно позициониран да стане водечка дестинација за одржлив туризам. За да се постигне ова е потребно зајакнување на партнерствата, промовирање на еколошки иницијативи и зачувување на културата. Потребно е усвојување на глобалните стандарди, усогласени со европските и меѓународните одржливи туристички сертификати со обезбедување поддршка од ЕУ, додаваат од Агенцијата.
OhridNews
