Состојбите во областа на криминалитетот на поширокото подрачје на Косел со посебен осврт на зачестената појава на измама на постари жители од страна на лица кои лажно се претставуваат како претставници на Црвен крст или на други институции и бараат пари за наводна социјална помош, ќе биде една од темите на состанокот на Советодавната група граѓани, што ќе се одржи денеска во 19 часот.
На состанокот што се одржува на иницијатива на Секторот за внатрешни работи Охрид и Одделението за превенција, ќе стане збор и за мерките за подобрување на актуелната ситуација во однос на криминалитетот, предвидена е презентација на концептот „Партнерство меѓу Полицијата и заедницата“ како и осврт на тема „Стоп за семејното, сексуалното и родовото насилство“.
На состанокот, свои излагања ќе имаат, претставници од Секторот за внатрешни работи од Охрид, од Локалната самоуправа, од Локалниот совет за превенција, претставници од тимот за развој на полицијата при мисијата на ОБСЕ и др.
OhridNews
