Претставници од полска компанија , чија основна дејност е рециклирање на отпад од хартија, беа во посета на ЈП „Охридски комуналец“ со цел да се запознаат со начинот на работа на охридското претпријатие.
Гостите од полската компанија особен интерес покажале за активностите кои се однесуваат на собирање на отпадот од хартија и неговото рециклирање. Посетата на компанијата од Полска е иницирана од минатогодишното учество на директорот на ЈП „Охридски комуналец“, Сашо Алче, на интернационалната конференција во Плок- Полска, на тема “Оддржливо управување со цврст отпад”.
Од јавното претпријатие се надеваат дека меѓусебната размена на искуство ќе резултира со понатамошна успешна соработка на двете претпријатија.
OhridNews
