Претставата „Сопружници“ во петок во НУЦК „Григор Прличев“

Претставата „Сопружници“ од  Вуди Ален, во режија на  Драгана Таневска ќе се одигра во Центарот за култура  во петок (18.,2.2022).

“Сопружници” претставува песимистичко гледиште за романтичната љубов и бракот. Хуморот во претствата произлегува од реалноста на ситуациите. Ликовите не можат да ги надвладеат своите слабости и желби и затоа влегувааат во апсурдни ситуации кои се комични. Тоа пак, од друга страна е и специфичноста на хуморот на Вуди Ален, кој многу мудро и реално ги анализира ситуациите и карактерите, вели режисерката Драгана Таневска.

Во претставата играат Ивица Цонев, Елизабета Стефановска, Никола Тодороски, Адријана Билаловиќ Тодороска и Филип Кипровски.

„Сопружници“ ќе биде одиграна во малата сала при НУЦК „Григор Прличев“ со почеток во 20 :00 часот, согласно здравствените протоколи со ограничен број на публика.  Билетите за  претставата се достапни на билетарата при НУЦК “Григор Прличев” – Охрид.

OhridNews