Претседателот Иванов го даруваше Азнавур со „Кнежевски надградник“ од Требеништа

Претседателот Ѓорѓе Иванов, денеска во вилата „Билјана“ во Охрид, го прими светски познатиот шансониер, Шарл Азнавур. Во опуштена атмосфера тие имаа неформален разговор, на кој присуствуваа и членовите на организацискиот одбор на Фестивалот на францускиот филм кој вечерва се затвора со доделувањето на наградите, меѓу кои и таа за животно дело која ќе му биде врачена на Азнавур. Францускиот шансониер и актер не го криеше воодушевувањето од убавините на Охрид и силниот впечаток што го добил за време на кусиот престој во Македонија.

Кака што соопшти кабинетот на Иванов, Азнавур изјавил дека е голем пријател на Републиока Македонија и дека ќе ги поддржи и учествува во иницијативите на македонските интелектуалци и уметници при промоцијата на македонскиот јазик, култура и идентитет ширум светот. Претседателот Иванов го изразил своето задоволство за пријателството на Азнавур со македоснките уметници и во знзак на благодарност му подарил пригоден подарок „Кнежевски надградник“ од Требениште од V – VI век. Овој артефакт пронајден во некрополата во Требеништа

е изработен од златен лим во форма на потковица, на кој е изведена композиција во форма на медаљон. Во центарот на медаљонот се претставени два лава, хералдички поставени. Нивните нозе се поставени врз седум кругови, какви што имаат и на подигнатите нозе.