На 22.07.2024 во 23.45 часот, полициски службеници од Одделението за недозволена трговија со дрога при СВР Охрид лишија од слобода три 18 годишни лица, 19, 28, 23 и 20 годишни лица, како и двајца малолетници, сите од Скопје.
При претрес во камп приколка во автокамп на брегот на Охридското Езеро, која ја користеле, извршен со судска наредба, биле пронајдени и одземени 23 пакувања со бела грутчеста материја, повеќе метални кутии со бела грутчеста материја, марихуана и други предмети за кои постои сомнение дека потекнуваат од кривично дело, информираат од МВР.
Судија на претходна постапка при Основниот суд во Охрид на полнолетните лица им одреди мерка притвор во траење од 30 дена, додаваат од МВР, потенцирајќи дека по целосно документирање на настанот против нив ќе бидат поднесени соодветни пријави.
OhridNews
