Со натпреварите од групите Е,  Ф, Г и Х ќе започне претпоследната, петта рунда во фазата по групи во Лигата на шампиони. Во многу наврати петтото коло се покажувало клучно, а таква најава има и сега со оглед на мечевите кои се на програмата.

Во Е групата, мечот помеѓу Баерн Минхен и Бенфика е да се биде или не за хрватсткиот стручњак на клупата од „баварците“, но и за португалците, кои, ако изгубат отпаѓаат во трката за пласман во нокаут фазата. Во преостанатиот натпревар во Атина, АЕК ќе го пречека Ајакс.

Претпоследната рунда нема да донесе конечно решение, но многу работи можат да бидат јасни во Ф групата. Лион на домашен терен ќе се сретне со Манчестер Сити, додека Хофенхајм ќе се судри со Шахјтор. Французите во првиот меч кој се одигра во Манчестер победија, а „граѓаните“ сигурно ќе бидат мотивирани за реванш и расчистување на сметките.

Групата Г ќе го понуди дерби мечот оваа вечер. На Олимпико во Рим, домашниот тим Рома ќе го нагости европскиот шампион Реал Мадрид. „Волчицата“ и „кралевите“ во дерби пресметката влегуваат со ист број на бодови и идентична цел, победа. Подобриот од овој натпревар, многу веројатно да заврши на првата позиција во групата, што носи релативно полесен ривал во 1/8 финалето.

Работите во Х групата се едноставни. Победа на Јувентус или реми на дуелот со Валенсија во Торино и триумф на Манчестер Јунајтед на домашен терен против Јанг Бојс ќе ги разреши сите дилеми. Во последната рунда Јувентус и Манчестер Јунајтед ќе решаваат за првата позиција на табелата.

Мечевите од петтата рунда ќе ги најават дуелите АЕК – Ајакс односно ЦСКА Москва – Викторија Плзен кои ќе започнат во 18 часот и 55 минути, додека другите се закажани за 21 часот.

Двојки:

Група Е: АЕК Атина – Ајакс (18:55ч), Баерн Минхен – Бенфика (21ч)

Табела: Баерн Минхен 10, Ајакс 8, Бенфика 4, АЕК Атина 0.

 

Група Ф: Хофенхајм – Шахјтор Доњецк (21ч), Лион – Мен Сити (21ч)

Табела: Мен Сити 9, Лион 6, Хофенхајм 3, Шахјтор 2

 

Група Г: ЦСКА Москва – Викторија Плзен (18:55ч), Рома – Реал Мадрид (21ч)

Табела: Реал Мадрид 9, Рома 9, ЦСКА Москва 4, Викторија Плзен 1

 

Група Х: Јувентус – Валенсија (21ч), Мен Ју – Јанг Бојс (21ч)

Табела: Јувентус 9, Мен Ју 7, Валенсија 5, Јанг Бојс 1

OhridNews