Православната црква денеска го одбележува споменот посветен на Преподобен Теодор Трихина, Преподобен Анастасиј Синајски, Блажениот Анастасиј Синаит патријарх Антиохиски, Блажениот Григориј патријарх Антиохиски, Светиот апостол Закхеј и Преподобен Атанасиј Метеорит.
Житие за Преподобен Теодор Трихина
Цариграѓанин и син на богати родители. Како млад ги остави родителите, домот и богатството и се насели во еден пустински манастир во Тракија. Таму се предаде себеси на најтешки подвизи. Спиеше на камења – за да има помалку сон – постојано одеше гологлав и се облекуваше во една наметка од кострет, заради што и го нарекоа „трихин“ што значи „кострет“. Заради ова големо самоизмачување за спасението на душата, Бог му подари голем дар на чудотоврство и за време на животот и после смртта. Се упокои мирно околу 400 година. Телото му се покажа мироточиво.
