Денес посредно се спомнува еден од најголемите беседници на Христовата Црква Свети Јован, наречен Златоуст. Празникот е востановен по повод пренесувањето на неговите мошти од Комана (местото каде се упокои) во Цариград (неговата епископска катедра од која беше протеран).
Тоа се случило 30-тина години по неговата смрт, во 438 година. Неговите мошти се положени во црквата Свети Апостоли. За време на Латинската империја во Цариград, моштите се однесени во Рим, во катедралата Свети Петар.
Свети Јован Златоуст роден е во Антиохија во 374 година. Во раните денови од детството ги изгубил родителите, подоцна се закалуѓерил во еден манастир во близина на родното место. Бил избран за патријарх цариградски каде што се прославил со убави беседи поради што бил наречен Златоуст.
Свети Јован Златоуст напишал многу дела, меѓу кои е и литургијата што се служи преку целата година, позната како “Златоустова литургија“. Во народното предание се вели дека Свети Јован е наречен Златоуст затоа што зборувал дека литургијата треба да се служи за една пара, а не за илјада гроша како што барале некои.
OhridNews
