Манчестер Сити и Арсенал ја следат драмата во Барселона поврзана со регистрацијата на шпанскиот репрезентативен играч за врска Дани Олмо. Доколку Барселона не успее да го пријави за вториот дел од сезоната, англиските клубови ќе преземат акција и ќе се надеваат дека ќе го доведат 26-годишниот играч од средниот ред.
Ова го пишуваат англиските и шпанските медиуми кои најавуваат евентуална неочекувана зделка, поради проблемите на Барселона. Да потсетиме, Олмо летово се врати во Барселона, која поради прекршување на одредбите од финансискиот фер-плеј има проблем со регистрацијата за вториот дел од сезоната. Тој потпиша договор до летото 2030 година, но во него остави и клаузула за можно заминување.
Судската одлука за регистрација на Олмо треба да биде донесена на 27 декември. Барса се надева дека одлуката ќе биде донесена во нејзина корист, бидејќи за него одлучува судијата кој во сличен случај му дозволи на Гави да игра за каталонскиот гигант. Во овој случај, клубот, како и во случајот со Гави, апелира на Олмо да му се почитува едно од основните човекови права, а тоа е правото на работа.
Шпанците неодамна напишаа дека претседателот на Барселона, Жоан Лапорта открил дека ќе се обиде да го регистрира Дани Олмо за вториот дел од сезоната. Поранешниот играч на Динамо и Лајпциг беше пријавен за воведниот дел од сезоната бидејќи Барселона го искористи правилото според кое поради повреди можеше да внесува нови играчи во составот.
Истовремено, клубот би можел да искористи 80 отсто од сумата одредена за платите на повредените Роналд Араухо и Андреас Кристенсен. Бидејќи ист играч не може да биде пријавен за ист клуб двапати во една сезона, на Олмо му се заканува да не игра во вториот дел од сезоната поради правилата на Ла Лига.
OhridNews
