Премиера на детската претстава „ЦЕПЕНКОВ’N ROLL” во вторник

Премиерата на 3-та по ред детска театарска претстава на Детското драмско студио „Драмакидз“ со наслов „ЦЕПЕНКОВ’N ROLL“ ќе се одржи во вторник, 10 декември, со почеток во 20.00 часот во Центарот за култура „Григор Прличев“.

„ЦЕПЕНКОВ’N ROLL“ е патување низ времето и мудростите на македонската традиција, преку кое ќе направиме мост помеѓу старите преданија и модерната култура. Оваа претстава ги истражува богатствата на македонското усно творештво но со еден свеж и провокативен пристап. Со почитување на традиционалните поуки, нашите млади актери ќе зборуваат и пеат со јазикот на денешницата. Оваа претстава не е само омаж на македонското културно наследство, туку и можност зa децата да ја истражат и реинтерпретираат традицијата, носејќи ја кон иднината, информираат од „Драмакидз“.

Претставата која трае 40 минути е под режисерската палка на Ирена Стеријовска Јончевска, додека за драматургијата задолжени се Ирена Стеријовска Јончевска и Кристина Тодороска Петреска

Во претставата играат Евгенија, Бојан, Ирма, Леона С, Јана, Горазд, Бојана, Наталија, Ангел, Леона П, Марија, Лора, Леа, Матеј, Климент, Софија, Илина, Коста,Борис, Мила, Даријан, Елеонора.

Картите од денес се во продажба по цената од 150 денари. Билетарата работи секој работен ден од 10.00-17.00 часот и 13:00-20:00 часот на денот на изведба на претставата.

OhridNews