Американската компанија Кока Кола за прв пат во 86 години ја променила локацијата на која ја чува тајната формула на популарниот пијалок. Сефот со рачно напишаниот рецепт за Кока Кола бил пренесен од банката, каде бил чуван од 1925 година, во музејот “World of Coca-Cola” во Атланта. Рецептот бил составен во 1886 година од фармацевтот Џон Пембертон од Атланта, а со формулата за напитокот, чувана во најстрога тајност, биле запознати само неколку лица кои ја пренесувале исклучиво усно.
Во 1919 година тогашниот директор на компанијата, Ернест Вудраф, подигнал кредит во Њујоршката банка и како залог ја депонирал рачно напишаната формула. Каматите на кредитот биле отплатени во 1925 година, и оттогаш рецептот бил чуван во банката “SunTrust” во Атланта. Според податоците на компанијата, жителите од повеќе од 200 земји во светот секојдневно купуваат 1,7 милијарди производи од марката Кока Кола.
