Во мечот со Португалија ќе влеземе како фаворити,за што говори податокот кој вели 6 победи во претходните 7 квалификациски средби, од кои 2 на гости.
Македонија на првиот натпревар славеше со високи 85:48, започнувајќи ја серијата од 3 победи по ред, која не стави на чекор од пласман на евросамитот во Полска.
„Црвено-жолтите“ може да обезбедат евро место, доколку слават на гостувањето кај Португалија и доколку Италија во групата „А“ ја победи Бугарија.
– Португалците нема да бидат потценети. Не смее да не залажува високата победа во Скопје. На тој натпревар нивниот прв плејмејкер Фернандеш се повреди на стартот, и тоа беше голем хендикеп за нив. Покрај тоа, играат на домашен терен, а по победата во Естонија, ќе се обидат со сите сили да не изненадат и да го избегнат разигрувањето за опстанок во “А“ Дивизијата. Останувам оптимист и верувам во наша победа во Португалија. – изјави македонскиот селектор Јовица Арсиќ.
Натпреварот Португалија – Македонија се игра во Коимбра, со почеток во 22.00 часот македонско време.
