Дирекцијата за храна при Министерството за здравство најави дополнителни анализи на водата за пиење во манастирскиот комплекс Св. Наум, откако било утврдено дека постојат повеќе каптажи од кои водата се користи за пиење. Најавата доаѓа откако анализите на водата од изворот кај црквата Св. Петка покажале микробиолошка неисправност, поради што според Дирекцијата за заштита за храна водата не смее да се употребува за пиење од страна на граѓаните.
Од Дирекцијата информираат дека при контролата поставена била табла во непосредна близина на изворот со содржина „ВОДАТА НЕ Е ЗА ПИЕЊЕ”. Но на 10.08.2009год при повторна контрола утврдено било дека таблата е отстранета. Истата повторно е поставена на инсистирање на Државниот инспектор за храна.
Ohridnews
