За време на наредните неколку дена, особено денеска (сабота), како резултат на циклонска активност, се очекуваат локални поројни врнежи од дожд, на места доста интензивни (над 30 l/m2), во вид на невреме и проследени со засилен ветер, предупредува Управата за хидрометеоролошки работи.
Ваквите процеси можат да предизвикаат појави на течење и слевање на вода низ градските улици поради неможноста за одведување на водата во толку краток временски интервал. Исто така поради очекуваниот интензивен дожд локално на некои места, можно е брзо зголемување на водостојот на помалите реки и суводолиците, покрај кои посочуваме за внимателно движење. За поголемите реки не постои опасност од нивно излевање. – информира Управата за хидрометеоролошки работи.
OhridNews
