По повод манастирската слава на манастирот „Свети Наум Охридски“, од Дебарско-кичевската епархија информираат дека утревечер, 2 јули (среда), во манастирот „Свети Наум Охридски“, со почеток во 19 часот, ќе се служи празнична вечерна богослужба, по повод празникот „Свети Наум Охридски Чудотворец“. На вечерната богослужба ќе чиноначалствува Неговото Високопреосвештенство митрополитот Дебарско-кичевски г. Тимотеј.
По повод празникот на 3 јули (четврток), во манастирот „Свети Наум Охридски“, ќе се служи и света архиерејска литургија. Ќе започне во 9 часот, а ќе чиноначалствува Неговото Високопреосвештенство митрополитот Дебарско-кичевски г. Тимотеј.
OhridNews
