“Сите влучени! Правата да станат реалност” е новата кампања на Републичкиот центар за поддршка на лица со интелектуална попреченост – Порака, која има за цел да ги потикне надлежните институции во Македонија, во најскоро време да ја ратификуваат Конвенцијата на Обeдинетите нации за правата на лицата со пореченост.
-Конвенцијата на правата на лицата со попреченост е усвоена од Генералното собрание на ОН, на 13 декември 2006-тата година. Република Македонија ја потпиша оваа Конвенцијата на 30-ти март 2007-тата година, но сеуште ја нема ратификувано.-се вели во рекламниот материјал на кампањата.
Во него се објаснува дека Конвенцијата има за цел да го промовира, заштити и осигура целосното и еднаквото уживање на сите човекови права и основни слободи од страна на лицата со попреченост и да ја промовира почитта за нивно врoдено достоинство.
Доколку Република Македонија ја ратификува оваа Конвенција, ќе треба да ги спроведе сите обврски кои произледуваат од истата, да ги промени законите или да донесе нови закони со кои ќе се овозможи изедначување на можностите, еднаков тетман и услови за лицата со попреченост, во сите делови од општественото живеење.
OhridNews
