Познати номинациите за Оскар, меѓу нив и еден хрватски филм

23.01.25 20:17

Главни фаворити за овогодинешните Оскари се филмовите Emilia Pérez со 13 номинации, Wicked со 10, како и A Complete Unknown и Conclave со по осум. Филмот Anora има шест номинации, Dune 2 и The Substance по пет.

Особено внимание привлекоа номинациите за филмот The Substance, со Деми Мур во главната улога, имајќи предвид дека хорор филмовите ретко се во трка за Оскар, пишува српскиот портал „Блиц“.

Од регионот во трка за Оскар е краткиот филм „Човекот кој не можеше да молчи“ на хрватскиот режисер Небојша Слијепчевиќ. Филмот кој е заснован на вистинска приказна, ја освои Златната палма за краток филм на Канскиот филмски фестивал, а главните улоги ги толкуваат Горан Богдан и Драган Миќановиќ.

Дејствието на филмот на Слијепчевиќ е сместено на 27 февруари 1993 година, во градот Штрпци, во Босна и Херцеговина, каде што патничкиот воз од Белград до Бар бил запрен од српските паравоени сили во операција за етничко чистење. Додека земаа 20 несрпски цивили, главно муслимани, кои подоцна ги мачеа и убиваа, само еден човек им се спротивстави – Тома Бузов, пензиониран офицер на ЈНА, пренесува „Блиц“.

Ова е прва номинација за Хрватска откако земјата стекна независност во 1991 година.

Единствениот Оскар од земјите на поранешна Југославија е за филмот Ничија земја на Денис Тановиќ од 2001 година.

Номинирани беа и Пред дождот (1994 година, Македонија), документарниот филм Земја на медот (2019 година, Македонија) и Quo vadis, Аида (2021 година, Босна и Херцеговина).

Од ерата на СФРЈ, номинирани беа Годишниот пат (1958), Деветтиот круг (1960), Тројца (1966), Собирачите на пердуви (1967), Битката кај Неретва (1969) и Татко на службен пат. (1986).

Номинации за Оскар во некои од главните категории:

Најдобар филм

Anora
The Brutalist
A Complete unknown
Conclave
Dune 2
Emilia Perez
I’m still here
Nickel Boys
The Substance
Wicked

Најдобар актер

Едријен Броди – The Brutalist
TТимоти Шаламе – A Complete unknown
Колман Доминго – Sing Sing
Рејф Фајнс – Conclave
Себастијан Стен – The Apprentice

Најдобра актерка

Синтија Ериво – Wicked
Карла Софија Гаксон – Emilia Perez
Мајки Мадисон – Anora
Деми Мур – The Substance
Фернанда Торес – I’m still here

Најдобра режија

Anora
The Brutalist
A Complete unknown
Emilia Perez
The Substance

Најдобро оригинално сценарио

Anora
The Brutalist
A real pain
September 5
The Substance

Најдобра споредна женска улога