Баер Леверкузен, Севиља, Базел и Вулверхемптон ги комплетираа екипите учеснички во 1/4 финалето во Лигата на Европа. Четири клубови успешно ја поминаа осминафиналната пречка и заедно со Интер, Манчестер Јунајтед, Копенхаген и Шахтјор Доњецк продолжуваат со борбата за титулата.
Баер Леверкузен со минимален триумф (1-0) на вториот меч, а со вкупни 4-1 ја оправда фаворитската улога против Глазгов Ренџерес. Идентична победа забележа и Базел, кој со вкупен резултат (4-0) го елиминираше минатогодишниот учесник во 1/2 финалето, Ајнтрахт Франкфурт. Изненадување во топ 8 е Вулверхемптон. „Волците“ со минимални 1-0 славеа на домашен терен против Олимпијакос за со 2-1 од двата натпревари да остварат историски пласман во европските натпреварувања. Најтрофејниот клуб во ЛЕ последниве години Севиља со 2-0 ја совлада Рома и обезбеди пласман во четвртфиналето. Двете екипи одиграа само еден натпревар бидејќи нивниот дуел во март месец не се одигра поради прекинот на сезоната.
Четвртфиналните мечеви во ЛЕ на програмата се в понеделник и вторник. Натпреварите се играат на неутрален терен во Германија.
Резултати:
Баер Леверкузен – Глазгов Ренџерс 1-0 (3-1)
Севиља – Рома 2-0
Базел – Ајнтрахт Франкфурт 1-0 (3-0)
Вулверхемптон – Олимпијакос 1-0 (1-1)
Двојки 1/4 финале:
Манчестер Јунајтед – Копенхаген
Интер – Баер Леверкузен
Шахтјор Доњецк – Базел
Вулверхемптон – Севиља
OhridNews
