Пожар изби во дописниот центар на МРТВ. Според очевидци околу пладне од руинираната зграда почнал да излегува густ чад. Веднаш била известена професионалната противпожарна единица од Охрид која со брза интервенција го локализирала пожарот. Според првичните неофицијални информации до пожарот дошло при обид за кражба на инсталација од напуштениот објект.
Жителите од околните објекти велат дека ова не е прв пат да се случува пожар во некогашниот дописен центар на МРТВ, кој како што кажуваат е претворен во собиралиште на зависници од дрога. Тие очекуваат реакција од надлежните институции и бараат сопственикот најитно да преземе мерки за средување и обезбедување на објектот, а доколку тоа не биде направено најавуваат дека ќе се самоорганизират за да се заштитат.
OhridNews
