Фудбалскиот клуб Пари Сен Жермен го потврди доаѓањето на најдобриот играч на светот Лионел Меси. Клубот од француската престолнина на социјалните медиуми објави видео- снимка на која го најавува Меси, кој веќе пристигна во Париз. Презентацијата на „Паркот на принцовите „ е закажана за среда од 11 часот.
Меси игра за првиот тим на Барселона од 2004 година. Каталонците не успеаја да понудат нов прифатлив договор за Меси, по што клубот објави заминување на аргентинецот. Меси освои 35 трофеи со каталонскиот клуб, а „Златна топка“ доби шест пати.
Според медиумите договорот на 34- годишниот Меси е дизајниран за две сезони со можност за продолжување за уште една година до јуни 2024 година. Годишната плата на фудбалерот ќе биде околу 35 милиони евра без бонуси.
ОhridNews
