Градоначалникот на Општината Дебрца, Игор Трајковски заедно со пратениците во Собранието од регионот, денеска, го поставија камен темелникот на повеќенаменската спортска сала во село Требеништа.
– Започнуваме проект со кој ќе им овозможиме на младите да имаат нов репрезентативен примерок во однос на спортот. Присуствуваме на чин на кој ќе се постави камен темелник на мултифункционална балон-сала. Оваа сала ќе претставува придонес пред се за младите и другите кои рекреативно ќе ги користат услугите. Ние како Локална самоуправа несебично ќе инвестираме во спортот и тоа што го ветувавме во предизборните програми полека го остваруваме – истакна Трајкоски.
Инвестицијата во спортската сала чини околу 100 илјади евра, а ќе се изгради во најбрз можен рок.
– Го поздравувам проектот на Општината Дебрца. Сите ние јавни личности избрани од македонскиот народ се ценат по своите дела. Сметам дека ова остварување на овој проект инвестирање во повеќенаменска спортска сала во Требеништа е само доказ дека Општината добро работи и ги стави интересите на граѓаните во преден план – рече пратеникот Антонио Милошески.
Димензиите на спортската сала која ќе служи за повеќе спортови се должина 48 метри, ширина 28 и висина 10 метри.
Мх.П.
