Општинскиот инспекторат последен пат ги опоменува сите субјекти (кафулиња, дискотеки, манифестации, фестивали и сл.) кои на недозволен начин ги узурпираат јавните површини и објекти за сопствено рекламирање, дека согласно Законот за јавна чистота ЗАБРАНЕТО е лепење на плакати, соопштенија или информации на јавни места кои не се определени за таква намена. За непридржување кон овие прописи, предвидена е глоба (која се плаќа веднаш) во висина од 2000 до 3000 евра за правното лице, 500 до 1000 евра за раководното лице и 50 евра за физичкото лице затекнато на лице место.
Во насока на оддржување на чистотата на градот и спроведување на законските прописи, општинскиот инспекторат преку своите надлежни служби ќе ги спроведе сите овластувања за целосна примена на Законот за јавна чистота на територијата на Општина Охрид, соопшти локалната самоуправа.
Ohridnews
