Малопродажната цена на Еуросупер БС – 98 и на Екстра лесното масло на полноќ се зголемува за 0,5 денари, додека цената на Еуросупер БС – 95 и Еуродизел останува иста,  соопшти Регулаторната комисија за енергетика.

Според новата одлука на Комисијата, Еуросупер БС-95 ќе продолжи да се продава по цена од 67,50 денари, а цената на  Еуродизелот останува 57,50 денари.

Бензинот од 98 октани ќе се продава по нова цена од 69,50 денари за литар, а Екстра лесното масло за домаќинство ќе се продава за 46,50 денари за литар.

Мазутот поевтинува и ќе се продава за 31,6 денари за килограм.

OhridNews
извор: Makfaks