Согласно одлуката на Регулаторната комисија за енергетика, од ноќеска на полноќ, дизел горивото поскапува за два денара по литар, а цената на бензините останува иста.
Малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, односно остануваат 63,5 и 65 денари за литар. ЕУРОДИЗЕЛ (Д-Е V) ќе се продава за 51,5 денари за литар, додека малопродажната цена на Екстра лесното масло за домаќинство (ЕЛ-1), се зголемува за 1,5 денари за литар и ќе чини 40 денари.
Со одлуката на РКЕ за 1,329 денари за килограм се зголемува и малопродажната цена на мазутот М-1 НС и ќе изнесува 25,866 денари за килограм.
OhridNews
