Во шест вековниот стар замок на Фондацијата СЕРАЛВЕС, крај Порто, на свеченоста што се организира по повод врачувањето на СВЕТСКАТА НАГРАДА НА ХУМАНИЗМОТ која годинава Охридската Академија на хуманизмот му ја додели на португалскиот режисер Мануел де Оливеира, пред, специјално поканети, личности од јавниот, културниот и политички живот на Португалија, со своите убавини и космополитски дух – ќе биде презентиран Охрид, духовниот и културен центар на Македонија. Во рамките на своевидната манифестација на презентирање на Охрид во Порто, ќе биде отворена и светски познатата изложба на охридскиот уметнички фотограф Зоран Вељаноски Летра која содржи 32 фотографии со мотиви од Охрид и Преспа – бисерите на Македонија.На свечена церемонија, од страна на делегацијата на Охридската Академија на хуманизмот предводена од Амбасадорот Јордан Плевнеш и Зоран Вељаноски Летра ќе му биде врачена Светската Награда на хуманизмот на годинешниот добитник, 100 годишниот португалски режисер Мануел де Оливеира. Амбасадорот Плевнеш ќе одржи беседа за космополитскиот дух на Охрид и библиската Македонија, за македонската филозофија на хуманизамот и пораките на нејзиниот народ кои се вткаени во македонскиот ген, а зрачат кон целиот свет. На чинот на врачувањето на Наградата, Зоран Вељаноски Летра пред присутните ќе го прочита поздравното писмо до годинешниот лауреат од градоначалникот на Охрид, Александар Петрески кој го одложи своето патување во Порто заради обврските што ги има како домаќин на повеке значајни настани деновиве, соопшти пдделението за односи со јавност при локалната самоуправа.
Ohridnews
