Минимален триумф на гостите од Гевгелија на гостувањето во Охрид во првото коло од продолженито на шампионатот. До втората победа на гостувањата гевгеличани стигнаа откако со 1-0 го совладаа Охрид на Билјанини Извори.

Охриѓани кои го прептрпеа третиот пораз во серија, втор на домашен терен и покрај поразот се покажаа во солидно издание. Тие беа тие кои го диктираа темпото, имаа поголем број од приликите но гостите ја погодија целта со единствениот удар во рамките на голот кој им ги донесе трите бода.


По мирните половина час, првата изгледна прилика ја имаше Клечкароски кој по додавањето на Лескароски успеа од голманскиот простор да ја префрли топката над голот. Неколку минути подоцна по одличниот продор повратникот Ѓорески имаше прилика но Смилески не наседна на неговиот удар. Во 38 минута по една без опасна ситуација, Стојанов стигна до половината на охриѓани биеше и на општо изненадување на сите топката отседна во мрежата на лошо поставениот Кралевски.

Погодокот не ги поколеба “сините“ кои со удари од далечина се обидуваа да го надополнат изгубеното. Најубавата прилика ја имаше Маркоски но на топовскиот удар одговори Смилевски со одлична парада.


Опсадата на голот на Смилески продолжи и во вториот дел но овај пат ударите со глава на Маркоски и Атај завршија за малку покрај голот. Вистинска драма се случуваше во финишот на мечот кога охриѓани нападнаа со сите расположливи сили. По нафрлената топка на Димоски , со глава биеше Маркоски брани Смилески, топката се одбива до Лескароски кој биеше со глава и кога сите ја видоа топката во мрежата од самата гол линија спаси Јованов, топката се враќа во казнетиот простор Маркоски бие, но Смилески е со десет раце и недозволува израмнување.


Последната прилика охриѓани ја имаа во судиското надполнување но нафрлентата топка се прошета по гол линијата и заврши во гол аут.

Охрид – Кожув 0-1 (0-1)

СРЦ Билјанини Извори, Гледачи 300. Судија Димитар Мечкаровски.
Помошници Игор Ширлов , Душко Милошески. сите од Скопје. Делегат Агрон
Адеми од Гостивар

Стрелец : Стојанов 38 ` (К) Жолти картони : Танев, Аџиоски, (К)

Охрид: Кралевски, Велкоски, Клечкароски, Лескароски, Атај (75` Стојаноски
), В.Алтипармакоски, М. Алтипармакоски (75` Затуроски) , Димоски, Маркоски,
Јакимоски, Ѓорески

Кожуф : Смилевски, Јованов, Каргов, Аџиоски, Панев, Стојановиќ (90` Стојкоски), Донев(67 ` Упчев), Танев ( 87 ` Атанасоски), Попзафиров, Стојанов, Сулев

М.П.