Истражен судија на поранешниот генерален директор на АД ЕМО – Охрид, Љубе Ставрески, денеска му одреди мерка притвор во времетраење до 30 дена поради  сомневање дека сторил кривично дело “злоупотреба на службена положба и овластувања“ и “фалсификување или уништување деловни книги“. Кривични пријави за истото дело заработија и  Красимир Василески – поранешен помошник генерален директор за производство во АД ЕМО; и Крсте Стојаноски – поранешен помошник генерален директор за финасии во АД ЕМО.

Тројцата се товарат дека му нанеле штета на АД ЕМО во вкупна висина од 49.762.288 денари или 816.000 евра.

Во периодот од 4.11. 2005 година до 22.01 2006 година прво и второпријавениот, искористувајќи ја службената положба и овластувања, склучиле штетен договор со италијанската фирма “Контрафо“, за продажба на трансформатори – со цени пониски од пазарните цени на чинење и други трошоци, со што го оштетиле АД ЕМО за 379.161 евра.

Второпријавениот, дополнително на ова, иако цените биле економски штетни и не била обезбедена банкарска гаранција за наплата, неовластено со свој потпис ги заверувал фактурите со кои се одобрила испораката на производите.

Според МВР, на 3.10. 2005 година  поранешниот генерален директор, иако АД ЕМО со фирмата “Контрафо“цела година имале деловен однос, сепак склучил протокол за посредничка провизија со фирмата “Метком Холдинг“ од САД во износ од 3,5 проценти од вредноста на подоцна склучениот договор со “Контрафо“. Но фирмата “Метком“ немала никакви посреднички активности, ниту маркетинг и комерцијално работење, поранешниот помошник генерален директор за финасии. со свој потпис во два наврати дал налог за книжење и исиплата на фактури за посредничка провизија во вкупен износ од 140.300 американски долари, а фактурите биле одобрени и од тогачниот генерален директор.

Покрај овие дејствија, поранешниот генерален директор  на 6.02.2006 година самоиницијативно и без одлука на одборот на директори со АД “ЕСМ“ склучил вонсудска спогодба за отпис на побарувања по основ на камати во правосилна завршена и извршна постапка во износ од 19.894.636 денари, иако должникот бил способен за плаќање и побарувањето имало услови во целост да се наплати.

Инаку ова е втор пат Љубе Ставрески да биде осомничен за незаконски дејности за што пред осум години тој исто така беше притворен, но случајот тогаш не доби судска разврска. Ставрески кој се смета за близок до СДСМ, беше на чело на ЕМО и во 2005 и 2006 година, по завршувањето на двегодишниот штрајк на синдикатот на СИЕР кој резултираше со поништување на продажбата на дел од акциите во компанијата и смена на тогашното раководство. Притворањето на поранешниот генерален директор и кривичните пријави за неговите помошници се слушува само четири дена по вториот неуспешен тендер за продажба на ЕМО.

ohridnews