Познатиот НБА играч Шон Кемп е уапсен и затворен во округот Пирс, Вашингтон, по инцидент со пукање со автомобил.
Полицијата во Такома соопшти дека расправијата меѓу патниците во два автомобила во близина на тамошниот трговскиот центар се претворила во пукање во средата наутро по локално време. Повредени нема, а еден од автомобилите побегнал од местото.
Пиштолот од кој било пукано е запленет и во тек е истрага.
Кемп е 6-кратен НБА Ол-стар. Тој помина 14 сезони во лигата, вклучително и осум со Сиетл, кој го избра како 17-ти пик на драфтот во 1989 година. Со Сиетл Суперсоникс Кемп одигра и едно финале во НБА лигата против тогаш незапирливите Чикаго Булс кои ја прокнижија четвртата, од вкупно шесте титули кои оваа франшиза ги освои во времето на Мајкл Џордан. Интересно е тоа што Кемп подоцна, во постџордановата ера кратко го облече дресот на Чикаго.
Г.М.
Извор/фото: МИА
