На 3 јули стартуваат активностите на градскиот фудбалски терен “Билјанини Извори” како последни подготовки пред одигрувањето на натпреварот од првото коло од квалификациите за Лигата на шампиони во фудбал. За потсетување нашиот шампион Струга Трим Љум ќе игра во квалификациите за Лигата на шампиони со тимот на Слован Братислава од Словачка.
Ние како претпријатие во соработка со македонскиот фудбалски шампион максимално сме посветени во подготовка на фудбалскиот терен за претстојниот натпревар како би овозможиле на фудбалските тимови што подобри услови за одигрување на натпреварот. За да го постигнеме тоа од 03 јули до 25 јули градскиот фудбалски терен нема да може да се користи така што им се заблагодаруваме на разбирањето на сите наши фудбалски корисници кои во посочениот период нема да можат да го користат градскиот фудбалски терен, информира ЈП “Билјанини Извори”.
Од претпријатието на фудбалскиот шампион на Македонија му посакуваат многу успех во квалификациите за Лигата на шампиони.
OhridNews
Фото: Архива
