Од понеделник, 9 август, до петок, 13 август, ќе продолжат градежните активности а реконструкција на патниот правец преку Галичица.
За непречено одвивање на активностите на терен, патниот правец ќе биде затворен за сообрајќај од 8 до 17 часот, секој ден, од превојот Баба во насока на Отешево. Сообрајќајот од Охрид до превојот Баба ќе се одвива непречено, информираат јавната установа Национален парк Галичица и изведувачот на работите.
Јавната установа Национален парк Галичица апелира до јавноста за трпеливост и солидарност, дотолку повеќе што во овие моменти зголемен е ризикот и од појава на шумски пожари.
Во таа смисла, ЈУНПГ ја потсетува јавноста за Одлуката за постоење кризна состојба на територијата на целата држава во траење од 30 дена и забраната за движење по шумските предели низ целата Република, вклучително и на територијата на Националниот парк Галичица. – стои во соопштението.
Од Националниот парк истакнуваат дека треба да се направи се за да се спречи појава на пожари кои можат негативно да се одразат врз животната средина, но и врз безбедноста на жителите и посетителите на регионот.
OhridNews
