Викендов во Струга, на водите на Охридското Езеро во организација на Едриличарскиот клуб Снегар-Струга, се одржа Државно првенство во едрење за класите Оптимист и Ласер 4.7 на кое зедоа учество 20 едриличари од клубовите ЕК Снегар-Струга, ЕК Бофор-Охрид и ЕК Стрмец-Охрид.
Во најмалата класа Оптимист, најдобар беше Димитар Поп Стефанија од ЕК Стрмец, второто место му припадна на Новица Велјаноски од ЕК Стрмец, додека трет беше Илче Грунче од ЕК Бофор. Во класата Ласер 4.7 најдобар беше Ердал Љушо, веднаш зад него беше Марјан Грданоски, додека трет трката ја заврши Кирил Мирчески, сите од ЕК Снегар.
Одржаната регата беше одлична подготовка за струшките едриличари кои викендов заминуваат на Мегународна регата “Текиртак”- Турција, регата од 2 категорија според Светската Едриличарска Асоцијација (ИСАФ).
Ohridnews
