Полицијата ќе биде потолерантна кон странските возачи во претстпојниот период кога поради летните одмори е зголемен бројот на странски возила кои ги користат македонските патишта.
-На полициските службеници кои ги извршуваат задачите во овие организациони единици, се препорачува да бидат максимално толерантни кон странските возачи. Контролите на возилата кои транзитираат да ги сведат на минимум, односно само доколку за тоа постои сериозна причина. При тоа, пожелно е запирањето и задржувањето да траат што е можно покусо. Исто така се препорачува поголема толерантност во однос на помалите сообраќајни прекршоци. Кога ќе биде регистриран ваков прекршок, полициските службеници како мерка треба да го користат предупредувањето и укажувањето до странските возачи. Задолжително при преземањето на сите мерки е придржувањето до етичкиот кодекс, законите и љубезното однесување при извршувањето на службените задачи, се дел од препораките што МВР ги упати до своите вработени.
